TANZANIA IMETAJWA MIONGONI MWA NCHI ZENYE WANANCHI WASIO NA FURAHA

Tanzania, Burundi na Rwanda zimeorodheshwa kuwa kati ya nchi zenye watu wasio na furaha duniani katika orodha ya kila mwaka ya Umoja wa Mataifa kuhusu viwango vya furaha duniani.
Burundi ndilo taifa ambalo wakazi wake hawana furaha zaidi duniani katika nafasi ya 156 ambapo imechukua nafasi hiyo kutoka kwa Jamhuri ya Afrika ya Kati (CAR) iliyokuwa inashikilia nafasi hiyo mwaka jana.
CAR ndiyo inayoifuata Burundi katika orodha ya mwaka huu.
Tanzania imeshika nafasi ya 153 sawa na mwaka jana huku Rwanda pia ikishikilia nafasi ya 151 sawa na mwaka jana kati ya mataifa 156.

 Mwanamke mwenye huzuni
Orodha ya mwaka jana hata hivyo ilishirikisha mataifa 155.
Taifa linaloongoza kwa furaha duniani mwaka huu ni Finland, kwa mujibu wa ripoti hiyo ya UN ambapo nchi hiyo imechukua nafasi hiyo kutoka kwa Norway.
Ripoti hiyo huangazia furaha waliyo nayo watu wa taifa furahi na chanzo cha furaha hiyo.
 Mataifa ya Ulaya Kaskazini yanashikilia nafasi tano za juu kwa kuwa na viwango vya juu vya raia walioridhika, huku nchi zilizoathiriwa na vita vya muda mrefu pamoja na nchi kadha za Afrika Kusini mwa Sahara zikiendelea kwa mara nyingine kushikilia nafasi tano za chini.
 Burundi, taifa ambalo raia hawana furaha zaidi, lilitumbukia kwenye mzozo wa kisiasa baada ya Rais Pierre Nkurunziza kuamua kuwania tena urais kwa muhula wa tatu mwaka 2015. Mwaka huo kulitokea pia jaribio la mapinduzi ya serikali.

Orodha hiyo huaandaliwa kwa kuangazia pato la mtu kwa kila mwaka, miaka ambayo mtu anatarajiwa kuishi, kuwa na mtu wa kutegemea kwa usaidizi, dhana ya kuwepo uhuru wa kufanya maamuzi maishani, uhuru kutoka kwa ufisadi, na ukarimu miongoni mwa mengine.
Imetayarishwa na shirika la maendeleo endelevu, Sustainable Development Solutions Network (SDSN), ambalo lilianzishwa na Umoja wa Mataifa.
Mwaka huu, ripoti hiyo iliangazia pia takwimu kuhusu furaha ya wahamiaji katika mataifa wanamoishi ambapo Finland iliibuka kuwa nchi bora zaidi kwa wahamiaji kuishi.


SHARE

  • Image
  • Image
  • Image
  • Image
  • Image
    Blogger Comment
    Facebook Comment

0 comments:

Post a Comment